Cyfarwyddwr Cerdd: Ruth Gittins
|
 Ganwyd Ruth Gittins yng Nghaerdydd ym 1972. Fe’i haddysgwyd yn Ysgol
Uwchradd Eglwys Newydd ble’r astudiodd Lefel-A mewn Cerddoriaeth, perfformiodd yn y
côr a hefyd chwaraeodd yr obo yn y gerddorfa a’r band chwyth.Ar ôl hyn aeth Ruth ymlaen i wneud gradd B. Mus. ym Mhrifysgol Cymru Ceardydd. Astudiodd yr opsiwn datganiad yn y cwrs gradd gan berfformio repertiore allan o Oratorio, Opera, Lieder, Chanson, Caneuon Seisnig a Chaneuon Cymreig. Tra yn yr ysgol a’r brifysgol manteisiodd Ruth yn fawr o’r hyfforddiant lleisiol gan y gantores enwog Maureen Guy. Mae Ruth yn ddyledus iawn iddi am ei hyfforddiant a’i brwdfrydedd i’r offeryn cain, sef y llais. Aeth Ruth yn ei blaen i arawin yr adran gerdd mewn coleg addysg bellach am ddwy flynedd ac wedyn ail - hyfforddi fel athrawes ysgol uwchradd. Yn 2000 cyfarfyddodd ei gŵr Lawrence a pharhaodd i weithio am ychydig ar ôl ei phriodas yn 2001. Yn ystod yr amswer hyn cafodd ei chyflwyno i Gôr Merched Maldwyn a blodeuodd y berthynas. “Mae’n bleser o’r mwya ac yn fwyniant pur arwain a gweithio gyda’r grŵp o wragedd penigamp.” Nawr mae Ruth yn anelu at ymestyn repertoire y côr ac yn gobeithio ysgrifennu mwy o drefniadau ei hunan i’r côr berfformio. Wedi llwyddiant ei chyffansoddiad Cantata Nadolig “News of Great Cheer” mae Ruth yn gobeithio cyfansoddi mwy o’i cherddoriaeth i’r côr. Ochr yn ochr â hyn mae Ruth yn edrych ar ôl ei phlant Bronwen (4 oed), Eleri (2 oed) a’i llysferch Niobe (15 oed) a hefyd dysgu yn ogystal a hyfforddi canu ag elfennau cerddoriaeth yn breifat. Mae Ruth yn ddiolchgar am y gefnogaeth a’r gwaith caled gan y côr (yn enwedig Gay Roberts) a hefyd ei gŵr a’i rhieni. Mae wedi mwynhau gweld y côr yn datblygu ac mae’n rhagweld dyfodol disglair, gan wybod fod y gefnogaeth yna. |
|
|
